General Santos City—Padayon ang gihimong imbistigasyon sa Police Sattion 1 kalabutan sa nahitabong pagpanulis sa wala pa mailhing mga suspek ngadto sa biktimang si Siptua Abriel Gadia, 19 anyos, residenti sa Barangay Mabuhay, Gensannga natigayon alas 12:01 sa tungang gabie niadtong nakalabayng adlaw.
Subay sa nahagpat nga report sa DXMD-RMN news Team ngadto sa Police Station 1, nasuta nga nagbaktas ang biktima uban sa duha niini ka mga higala sa may Recto Street, Barangay North dihang kalit lang nga mihunong ang duha ka lalaki nga sakay sa usa ka Honda wave nga motorsiklo kolor itom.
Minaog matud pa ang back rider dayon mibunlot ug pusil ug gitiunan ang biktima apil naang mga kaubanan niini.
Pugsanon dayon nga gikuha sa maong suspek ang biktima dayon sibat padulong sa dereksyon sa Tieza Street. Paspas sab nga midangop sa buhatan sa kapulisan ang mga biktima human sa insidenti.
Girespondihan pa sa kapulisan ang lugar nga nahitabuan sa krimen apan wala na gyud makaplagan ang mga suspek.
