South Cotabato—Nakabsan gyud sa ug kinabuhi ang usa ka 13 anyos nga estudyante nga si Albert Timbang gumikan sa naangkon niining grabeng samad sa ulo samtang ginatambalan sulod sa ospital sa Koronadal City human kini natumbahan sa punoan sa kahoy nga narra samtang gapasilong sa covered pathway gawas sa eskwelahan sa unang adlaw sa klase kagahapong adlawa ala una sa hapon sa Lake Sebu Sout Cotabato.
Samtang ang tulo usab niini nga kaubanang babaye nga naigo usab sa pagkatumba sa kahoy nga silang Jenny Rose Buayan, 18 anyos, Bebskie Inzon, 16 anyos ug si Christy Faith Tangcala, 16 anyos ang nagpabilin pang nagpaalim sa ospital gumikan sa mga samad nga naangkon sa kalawasan
Sumala pa ni Police Major Nathaniel Panaguiton ang labaw sa Lake Sebu Munincipal Police Station nga samtang nagapasilong ang mga estudyante sa covered pathway gawas sa eskwelahan gumikan kay kusog ang ulan ug hangin kalit lang natumba matud pa ang usa ka punoan sa kahoy nga narra ug didto miigo sa upat ka biktima.
