Nasapwan nga wala na sang kabuhi ang isa ka estudyante sa iya nga boarding house, matapos nga naghikog sa Waling-waling St., Brgy. Poblacion, Polomolok, South Cotabato.
Ginkilala ang biktima kay Yvrone Escaliscas Pantorilla, 21 -anyos, single kag 1st year College student.
Sa imbestigasyon sang Polomolok MPS, nakanotisyar sang malain nga baho ang iya mga boardmate kag kaingod sa kwarto sang biktima rason nga ginlantaw nila sa bintana kag nakit-an nga nagabitay ang biktima gamit ang “Malong” kag yara na sa stage of decomposition.
Suno sa iloy sang biktima nga si Zamida Pantorilla nga may problema sa iya nga pagtuon kag pinansyal nga kinahanglanon ang bata.
Ginpahayag naman sang SOCO team nga nagrespondir nga wala sang indikasyon nga may foul play sa kamatayon sang biktima tungod kumpleto man ang mga gamit sini kag wala sang senyales nga may komosyon nga natabo sa sulod sang iya nga boarding house.
