Davao City – Nadakpan sa kapolisan sa Sta Ana ang usa ka estudyante human namaligya og shabu alas 4:16 sa kahaponon didto sa Suazo St.Corner Monteverde Avenue siyudad sa Davao.
Subay sa report gikan Sta. Ana PNP ang dinakpan naila sa pangalang usa ka Shariffa Usman, 19 anyos nga taga Rosary Heights Cotabato City kasamtangan nagpuyo sa Times Beach Barangay 76-A siyudad sa Davao.
Sikop ang batan on human kini napalitan og shabu sa usa ka pulis nga nagpaka aron ingnon nga buyer sa gidling droga.
Narekober sa dinakpan ang duha ka rectangular shape heat sealed transparent plastic sachet, buy bust money nga 500.00 pesos lakip nakompiska ang lipstick box.
Si Usman priso na sa Sta Ana PNP ug gihikay na ang kasong kalapasan sa RA 9165 kun Comprehensive Dangerous Drugs Act of 2002.
RadyoMaN Don Pulayao
