Estudyanteng naghikog patay ning syudad, gidala na sa Bukidnon; samtang panagbulag sa uyab ug wala matubag nga module, gituhoang hinungdan sa paghikog sa dalaga

28

Gidala na sa Malaybalay City Bukidnon ang lawas sa 19 anyos nga dalaga human kini maghikog patay sa Purok 3-A Barangay Gusa ning syudad bag-ohay lang.

 

Ang biktima usa ka estudyante sa kolehiyo sa COC Phinma ug nagkuha sa kursong edukasyon.

 

Matud sa amahan sa biktima nga si Jesrel Armosa nga wala siya magdahum sa gidangatan sa iyang anak apan sa wala pa nahitabo ang paghikog niini nagsige na kini og hinuktok ug naghilak.

 

Dugang pa sa amahan nga dako ang iyang pagtuo nga ang panagbulag niini sa uyab mao ang hinungdan sa pagpakamatay sa iyang anak ug nadugan lang ang wala pa natubag nga module.

Ayha pa nakita sa amahan ang video nga girecord sa cellphone sa iyang anak human sa insidente.

 

Matud sa amahan nga si Jesrel Armosa nga sa iyang pagsusi sa video, sama sa nanugon ug nagmahay-mahay ang iyang anak tungod kay gibiyaan kini sa uyab.

 

Dugang pa sa amahan, nga wala sila nagkulang sa paghatag og advice sa ilang anak  ug wala usab nila damha ang pagpakamatay niini.




 

Nasayran nga naghikog ang biktima gamit ang liston sa sapatos nga gihikot sa iyang liog.

Facebook Comments