Subli na usab nga gilusad sa kagamhanang lokal ning dakbayan inabagan sa Oro Youth Development Council ang tinuig nga ‘Search for Most Child-Friendly Police Station.’
Nasayran nga mas dako karong tuiga ang premyo tungod kay anaa na karon sa 100-thousand pesos ang first prize; 70-thousand pesos ang 2nd prize ug 50-thousand pesos ang 3rd prize.
Gikabutyag nga napulo ka police station ang mosalmot sa maong search kung asa tulo ka phase ang pagabasihan sa mahimong mananaog ug kini naglakip na sa Police Station Evaluation Criteria, Community-Based Evaluation ug Final Presentation.
Ipahigayon usab ang evaluation sa mosalmot nga mga police station karong umaabot October 23-27 ug ang awarding ceremony ipahigayon sa November 29 ning tuiga.
Nasayran nga naglangkob sa mga criteria alang sa maong search mao ang policy-related compliance with child-related laws; personnel training and manning; child appropriate services; monitoring; evaluation and research ug information and advocacy kon child and community engagement.
Gipahayag usab ni City Administrator Dionnie Gersana, nga isip unang government institution nga gadangpan sa mga bata nga anaa sa problema, ang kapolisan angayang adunay kahibalo sa protocol kon unsaon sa pag-manage ug paghawid niadtong mga batang anaa sa problema.
By: RadyoMaN Ellah Baculio
