Masami ka bala magcheck sang imo nga Facebook news feed kun ano ang latest sa imo nga mga friend? Ukon mahilig ka maglantaw kun pila na ang nag-like sang imo selfie nga bisan sa sulod sang banyo bitbit mo gihapon ang imo smartphone? Well, amat-amat na ina nga untata Bes.
Posible nga makatuga sang seryoso nga masakit ang paggamit sang imo phone sa sulod sang banyo. Ang problema lang, nagadamo nga nagadamo ang mga indibidwal nga gahimo sini, suno sa Canadian germ expert kag Huffington Post blogger nga si Jason Tetro.
“Anything that you intend on taking out with you, into the environment, probably shouldn’t be accompanying you into the bathroom,” suno kay Tetro.
“That goes for electronic devices, that goes for food, and that also goes for anything that you might be sharing with people.” dugang pa niya sa isa ka interview sa Huffington Post Canada.
Si Tetro, ang nagsulat sang “The Germ Code”, ang pagtuon sa paggamit sang cellphones sa sulod sang banyo sadtong 2006 sang indi pa ini isa ka problema.
Sumugod sadto, amat-amat na nga nagsaka ang consumption sang tawo sa mga mobile devices kag amo man ang pag-contaminate sini sang mga bacteria.
Suno kay Tetro, may yara sang ginatawag nga air pathogens kaangay sang E. coli, salmonella, C. defficile, kag norovirus nga posible mag-tapik sa mga devices naton kag sa dalayon ta nga paggamit sini sa sulod sang banyo, posible kita nga ma-self infect, ukon malatnan ang iban nga tawo pinaagi sa skin contact.
Dugang pa ni Tetro, ang indi pagpanghugas sang kamot ukon pagpang-alcohol matapos maggamit sang phone sa sulod sang banyo ang mahimo makatuga sang “cumulative effect of bacteria.”
“If you maintain proper and regular hygiene, not only for your hands but your cellphones and your tablets, which are an extension of your hands, you’re going to be safe,” pahayag pa niya.
Nagpaandam man si Tetro sang mataas nga level sang pathogens nga nakit-an sa mga smarphones kag tablets sa isa ka pagtuon sang St. Joseph’s Healthcare sa Hamilton.
Gin-measure ang mga ini pinaagi sa amount sang organic material kaangay sang fecal matter kag E. coli sa surface sang mga mobile devices.
Nagagwa sa pagtuon nga ang score nga 30 ang nagabapalo nga matinlo ini, pero kadam-an sa mga score sang pila ka mga device ang nagsobra sa 100 kag ang iban naglab-ot pa sa 400.
Bes, gamiton mo pa bala ang imo nga phone kada magsulod ka sa banyo? (Huffington Post Canada) *rcsg*
——————-
Like our official Facebook page: www.facebook.com/ifmbacolod943
