South Cotabato*–*Gipasakaan na og kasong paglapas sa RA 9165 kon Comprehensive Dangerous Drugs Act of 2002 ang usa ka Brgy. Councilor human kining masikop sa gipahigayon nga operasyon sa hiniusang pwersa sa PDEA -12 og Municipal Anti-Drug Abuse Council kon MADAC sa Banga,Sooth Cotabato niadtong milabayng adlaw.
Una nang nasikop niadotng nakalabayng adlaw ang suspek nga si Joseph Benes Apeliado Atensor, hamtong ang panuigon og residente sa Prk. Masinadyahon Bo. Liwanay Banga South Cotabato.
Kahibaluan nga Narekober sa posisyon niini ang 2 ka pakete sa gituohang shabu, mga drug paraphernalia, cell phone, drug buy bust money.
Subay sa impormasyon gikan sa PDEA si Brgy Kagawad Atensor ang anaa sa drug watch list sa kapulisan tungod sa paglambigit niini sa ginadiling droga o gikunsidera usab sa mga otoridad nga bigtime pusher sa ilahang lugar.
