General Santos City—Patay ang usa ka kanhing priso nga nailang si Gabriel Demata, legal age, residenti sa Purok 3, Rajah Muda, Barangay Bula, Gensan human kining gipusil saw ala mailhing suspek alas 6:45 ang takna sa gabie atubangan sa usa ka tindahan sa maong lugar.
Sa inisyal nga imbistigasyon sa Police Station 6 nasuta nga dunay gipalit ang biktima sa tindahan dihang kalitlang kining giduol sa suspek dayon gipusil duha ka higayon igo sa ulo nga bahin nga hinungdan sa iyang kamatayon.
Paspas nga nakasibat ang suspek human sa pagpamusil.
Si Demata kanhi nang napriso sa Davao Penal Colony kon Dapecol tungod sa kasong murder apan nakagawas human sa pipila ka tuig, nibalik kini sa Gensan apan napriso pag-usab human nga nasikop sa kasong may kalabutan sa iligal nga droga. Nakagawas usab kini human sa pipila ka tuig apan inay magtinarong nalambigit na usab kini sa lain pang kaso.
Sumala ni Police Sr. Supirentender Raul Supirter, PNP city Director sa Gensan City Police Office nga usa si Demata sa mga ginganlan sa nasikop nga carnaper sa lungsod sa Polomolok nga matud pa kaubanan niini.
