General Santos City–Pormal nang pasakaan ug kasong robbery ug attempted homicide ang suspect nga si Marven Perel, 20, nga nanimuyo sa Prk 3, Raja Muda, Barangay Bula ning syudad human nga masikop kini tungod sa pagpangawat sa boarding house sa biktima nga si Anna Rose Matilac, 23 anyos nga nag-abang ug kwarto sa Cabe Subdivision, Barangay Bula ning syudad ug pagdunggab sa boardmate sa biktima nga si Abdulraffi Dimalen , 18 anyos alas 7:00 sa gabie niadtong milabay nga adlaw.
Nasayran nga ang suspect ang naaktuhan gayud sa biktima nga si Anna Rose ang suspect nga misulod sa iyahang boarding house ug gikuha ang cellphone niini nga nagkantidad ug P10,000.00 hinungdan nga gilayon nga nangayo ug tabang.
Gilayun man usab miresponde ang boardmate niini nga si Abdulfaffi ug gisikop ang suspect apan inay nga musurrender misukol man hinuon kini hinungdan nga nagdumog ang mga nasangpit ug didto gidungab sa suspect ang biktima nga naigo sa iyahang tuo nga kamot,
Maayo lang matud pa nga gilayong nangabot ang uban pang tawo sa maong lugar hinungdan nga nakuatahan ang suspect ug nasikop.(Dave Silagan)
