Giangkon ni kanhi Mayor Dr. Jun Amante nga aduna siya’y gihambin nga balatian ug sa kasamtangan atua kini sa St. Lukes Medical Center sa Metro Manila alang sa usa ka “Angiogram procedure”, apan dili kini babag sumala pa sa iyang kandidatura pagka-Konsehal ning syudad sa Butuan.
Kini ang nahimung tubag ni Dr. Amante sa interview sa RMN DXBC Butuan subay sa nigawas nga tahu nga matud pa nag-comatose na kini mao’ng wala makatambong sa Opening Salvo Proclamation Rally sa Bando Serbisyo didto sa brgy. Ampayon ning syudad niadtong adlawng Biernes.
Wala gitago sa kanhi Mayor ang kamatuoran nga adunay siya’y sakit nga diabetes ug gipailaluma na siya sa dialysis sulod sa 6 ka semana ug gipangandaman usab ang posibleng kidney transplant.
(VC. Jun 1)
Luyu niinin tanan gipasalig niya nga magpadayon ang iyang kandidatura ug kampanya sa kabarangayan kung makagawas na sa Hospital.
Gisalikway ni Dr. Amante ang punto nga lig-on ang organisasyon sa Team RCL tungod kay matud pa wala nakagamot sa mga yanong katawhan sa barangay si Mayor Lagnada mao’ng kutub lamang sa porma ang pagpakita nga lig-on ang ilang grupo.
Gitagaan ug gibug-aton sa kanhi Mayor ang resulta matud pa sa independent survey nga nakasulod siya ug ang laing 5 nila ka linya sa top 10 pagka-Konsehal.
(VC. Jun 2)
Ang pamahayag ni kanhi Mayor Dr. Jun Amante sa interview sa RMN DXBC Butuan.
[image: amante jun butuan.jpg]
