Nakitaan ug probable cause sa Ombudsman ang kaso batok ni kanhi Butuan City Mayor Ferdinand Amante, Jr, sa paglapas sa section 3(e) sa Anti Graft and Corrupt Practices Act (RA 3019), diin uban nga makasohan si kanhi Licensing Officer IV Paul Cabrera ug kanhi acting City Fire Marshal Alric Gomez Nagsumikad ang maong kaso base sa insidenting pagkasunog sa Novo Jeans and Shirts Enterprises sa Montilla Boulevard ning syudad nga nikalas ug 17 ka mga kinabuhi sa sales lady nga na-trap sulod sa gambalay, niadtong Mayo 9, 2012. Migawas sa imbistigasyon nga walay Fire-Safety and Inspection Permit (FSIC) ang nasangpit nga establismento apan gi-isyuhan gihapon ug business permit sa syudad. Gipasakaan ug kaso si Amante tungod sa iyang pag-aproba sa business permit sa Novo luyu nga walay FSIC ug napakyas usab siya sa pagbakwi niini; samtang si Cabrera napasakaan ug kaso tungod sa iyang gihimung rekomendasyon sa pag-aproba sa business permit sa establismentio; samtang si Gomez napasakaan ug kaso tungod sa iyang kapakyasan sa pagpahibalo sa Mayor nga pakyas ang Novo sa pagtuman sa mga rekisitos aron unta i-kasenlar ang business permit niin. Sa kasong administratibo, si Amante ug Cabrera ang nahukmang guilty sa kasong Gross Neglect of Duty ug hayan nga did-an na sa pagkupot ug bisan unsang posisyon sa goberno. Sent from my Samsung Galaxy smartphone.
