Kapin P 2 milyon nga kantidad sa kwarta, alahas ug mahalong gamit ang nawala sa dihang gikawatan ang kanhi Mayor sa San Francisco, Agusan del Sur nga si Jenny de Asis.
Apan sa follow up nga imbistigasyon sa kwerpo sa kapulisan nakurat si de Asis human nasayran nga gi-unay diay kini pagkawat sa iya ra usab nga apo.
Ang gitumbok nga suspek mao si Devon de Asis, bayot, apo sa kanhi Mayor kauban sa laing suspek nga si Gabrielle Hazel Cornejo.
Gikawat sa duha ka mga suspek ang mahalong bag, relo, alahas, kwarta ug ubang mga butang sulod sa kwarto diin naila ang kawatan pinaagi sa kuha sa CCTV sa panimalay sa kanhi Mayor.
Nakahigayon sa pagpangawat ang duha ka suspek samtang milakaw ang biktima ug nadiskobrehan na lamang niadtong naka-uli na ang biktima (with report archer capadeso/ivy falcone).
[image: san franz.jpg]
