Lalaki gibanggaan sa taxi

43

Davao City – Bisan pa man og napuno sa pangos ang lawas sa usa ka lalake apan ang taxi nga nakabangga wala gayod muhunong aron sapupohon paingon sa Southern Philippines Medical Center (SPMC) ang biktima nga si Arnel Gonzalo, 47 anyos, ug residente sa Riverside Calinan, syudad sa Davao.

Kusog matud pa ang dagan sa taxi maong nabanggaan niini si Gonzalo samtang mitabok agi sa pedestrian lane sa naasoy nga dapit alas-9:30 sa gabii.


Ang biktima nakaangkon og mga samad sa pipila ka parte sa lawas human sa insidente.

Ang problema kay wala makuha ang plaka sa taxi nga nakabangga tungod sa kalit nga panghitabo.

Maayo na lang kay dunay nagpakabana sa palibot ug gidala ang biktima sa hospital kung asa padayon pang gitambalan si Gonzalo.

Radyo MaN Joel Viray

Facebook Comments

From Advertisers