TACLOBAN CITY – Naatubang yana an anay Mayor han Hinabangan Samar hin kaso nga kriminal ha gin aaligar pamalit hin medisina tikang ha unqualified suppliers dida han tuig 2010 ngan 2011.
Nag file an Office of the Ombudsman hin kaso kontra kan anay Hinabangan Mayor Alejandro Abarratigue, an kaso in 4 counts ha pagtalapas han section 3 han Republic Act 3019 or the Anti-graft and corrupt practices act.
Akusado gihapon hira:
Bids and awards committe chairman Esmeralda Frincillo
Committee members Lesarbo Mengote
Raul Tapia
Renato Abayare
Roel Pazon
Committee Secretariat Alan Babon
An section 3 of RA 3019, in nagdidiri ha mga public officials nga maghatag hin unwarranted benefits, advantage or preference to a private party or any party upod an gobyerno.
Base han impormasyon han Ombudsman, an municipal government dida han tuig 2010-2011 in naghatag hin supply contracts ngadto ha “ineligible and unqualified” bidders ha pamalit hin medisina ngan medical supplies.
An una nga kontrata in gin-aaligar igin-award ha Doxia Marketing dida han march 13, 2010 ngan an tulo ngan iba pa nga kontrata in igin award ha LSM Pharma and medical supply dida han August 9 ngan November 25, 2010 ngan October 10, 2011.
Sumala han Ombudsman, gin akseptar han respondents an bids han Doxia Marketing ngan LSM Pharma bisan an pareho nga firm in “waray makagsumiter o makaghatag hin eligibility requirements” nga gin aaro ha ilarom han Republic Act 9184 o kun Government procurement reform act.
Dugang han Ombudsman, an respondents in nag award la gihapon hin kontrata ngadto ha Doxia Marketing ngan LSM Pharma bisan disqualified na hira han bidding.
Hi Abarratigue ngan iba pa nga aksusado in nag aproba la gihap ngan gin proseso an payments han duha nga supplier bisan maaram hira nga may irregularidad an nahinabo nga bidding.
Nagkakantidad 7.5 million pesos an upat nga kontrata .
Mayada pa pending nga kaso hi abarratigue nga graft ha Sandiganbayan may paghisumpay han gin aaligar pamalit hin tuna nga nagkakantidad 500, 000 pesos.
