NEGROS ORIENTAL – Gintiro patay ang isa ka anay mayor sa ila mismo balay may mga las 2:30 sini lang nga kaagahon Hulyo 27, sa Brgy. Tampocon 1, Ayungon, Negros Oriental.
Nakilala ang biktima nga napatay nga si Edsel Enardecido, 60 anyos, anay mayor sang banwa sang Ayungon, samtang gintiro man ang iya pakaisa nga si Leo Enardecido, 45 anyos, lunsay kasado kag pumuluyo sang amo nga lugar.
Suno sa hepe sang Ayungon Municipal Police Station nga si Police Major Romel Luga nga may nagdangup sa ila kag nagpangayo sang assistance angut sa natabo nga shooting incident sa Brgy. Tampocon 1.
Sa pagresponde sang pulis, ila naabtan ang biktima nga lunsay may igo sang bala sa pila ka bahin sang ila lawas, samtang wala pa natumod ang suspek nga may kahimuan sini.
Sa pihak nga bahin, gintiro man patay ang duha ka mga empleyado sang gobierno sa Canlaon City, Negros Oriental.
Ang mga biktima nakilala nga sanday Coun. Bobby Jalandoni kag Brgy. Kapitan Ernesto Posadas sang Brgy. Panubigan.
Sa karon ginahibalo pa ang motibo sa pagpangtiro sa mga biktima kag kon bala sin-o ang may kahimuan sini.
[image: image.png]
