Gipusil-patay sud mismo sa iyang pribadong lawak sa ospital ang kanhi mayor sa lungsod sa Medellin nga si Ricardo “Ricky” Ramirez kagabii , Hunyo 18 .
Si Ramirez gi-hospital arrest sa Bogo – Medellin Medical Center tungod sa gipamati sa iyang lawas , human kini nadakpan tungod sa illegal possession of firearms niadtong Hulyo sa tuig 2017.
Matud ni Police Master Sergeant Winston Isnani sa Medellin Police Station , 15 ka mga lalaki nga nakabonnet ug sakay sa upat ka mga sakyanan ang nisud sa ospital , ug upat kanila ang nisud sa kuwarto ni Ramirez ug maoy nagpusil sa kanhi mayor .
Dunay mga kabhang sa kalibri 45 nga armas ug M16 ang nakuha sa crime scene.
Kauban ni Ramirez sud sa lawak ang usa ka BJMP personnel nga maoy nag-guwardiya dihang nahitabo ang pagpamusil .
