‘Excavation Activities’ nga pagbubuhaton unta han DENR VIII ha farm ni Palompon Mayor, ginpugngan han korte

TACLOBAN CITY — Napugngan ipinaagi han ginpalusad nga Temporary Restraining Order (TRO) han Regional Trial Court ha Palompon, Leyte an pagbubuhaton unta nga nga “excavation activities” han Department of Environment and National Resources (DENR) Region VIII ha DBSN Farm nga gintatag-iyahan ni Palompon Mayor Ramon Oñate ha Brgy San Juaquin, Palompon Leyte, kakulop, September 8, 2023.

Nakatalaan man gud nga magdumara han mao nga aktibidad an DENR Regional Office VIII ha gahom ni Regional Executive Director Lormelyn Claudio, durante han aligasyon ni Anay Mayor han Palompon Leyte Georgina Arevalo nga nagkakaada hin “open dumping of domestic waste, bulk waste and other hazardous waste” ha nasabi nga lugar.

Sumala kan Palompon Mayor Ramon Oñate, ha ilarom han balaod waray katungod an usa nga opisyales han DENR nga mag order han pagkalkal ha usa nga lugar.

“The Regional Executive Director is not allowed by law to excavate. She is only allowed by law to visit through visual means, and she can visit any time of the day but not in the area where she could order the excavation,” siring ni Mayor Oñate.

Subay han TRO nga ginpalusad han RTC Branch 17, “It appears from the facts alleged in the verified petition that there is extreme urgency as the excavation could still be implemented today September 8, 2023 and the petitioner will suffer grave injustice and irreparable injury because of the blatant violation of its constitutional rights before the matter is heard.”

Dugang pa ni Oñate, “The residents of Brgy San Juaquin with the instigation of the former Mayor filed an environmental case as early 2019 or 2020, that case has already been dismissed by the Regional Trial Court, they filled a motion for reconsideration it did not succeed and turned down by the court”.

“Now, they have filed a motion for reconsideration in the Court of Appeals, so pending the resolution of the CA with the due respect it is supposed to be, they can be liable for sub judice because it is still pending,” siring ni Oñate.

Mahitungod ine nanindugan hi Mayor Oñate nga aatubangon han iya partido an padayon nga ginlalabay nga aligasyon ha iya negosyo.

An TRO in epektibo ha sulod han 72 ka oras tikang ine gin-palusad ala 1:24 han kulop, September 8, 2023.

Nakatalaan naman nga magdumara hin summary hearing ha korte an duha nga partido ha maabot nga September 21, 2023 agud masabtan kun papahalawigon pa an TRO.

Hasta ha oras nga ginsusurat ine nga balita, waray pa nakuha nga pamahayag an RMN Tacloban tikang ha DENR.

Facebook Comments