TACLOBAN CITY – Gin-aaligar nga nagpakamatay o nagsuicide an Newly-Hired School Teacher Ha La Paz, Leyte tungod han kadamo han mga paper works.
Viral yana ha facebook an post nga nadepress an maistra nga hi Teacher Emylou Malate amu nga nagsuicide ini tungod daw han mga requirements sugad han pagsubmit han mga reports ngan kadamo nga paperworks han Department Of Education (DEPED).
Sanglit eksklusibo nga ginkuha han RMN an pahayag han DEPED Regional Office 8 hini nga panhitabo.
Sumala kan DEPED Regional Director Ramir Uytico, early pa para ig-judge an panhitabo ngan kinahanglan daw pag ginsakob mo an trabaho nga pagigin maistra andam ka atubangon an mga trabaho.
“Ang teacher talaga has to do his or her part.”
“It’s too early to judge na the reason is because of DEPED.”
“Pag mag-apply ka sa DEPED, alam mo na ang mga challenges ng DEPED.”
Ha imbistigasyon han La Paz PNP, nagawas nga depression an hinungdan han pagkamatay ni Teacher Emylou, ini in sumala kan PSInsp. Ernie Rocha, Chief-Of-Police han La Paz, Leyte.
“Nakaturog ini nga hi Teacher Emylou alas 3 na hiton aga tapos nagmamata alas 5 liwat han aga, diri daw ngani liwat ginkakaon iton iya balon nga pagkaon.”
“Nadepress tungod han paper works.”
21 anyos pala hi Teacher Emylou ngan bag-o pala ha iya propesyon nga pagigin teacher ngan nagtututdo ha Bagacay West Primary School. Taga Brgy. Limba ha La Paz hi Teacher Emylou.
Alas 9:30 han gab-i nakit-an hi Teacher Emylou han iya tatay ha iya kwarto nga nagsuicide.
An nanay hini in nagtatrabaho ha Manila, samtang an tatay naman hini in may trabaho gihapon.
Ha Facebook post, nananawagan hin hustisya iton mga kaurusa ni Teacher Emylou nga tungod hiton kadamo han mga trabahuon han mga kamaistrahan in pwede nga madepress ngan magpakamatay.
