Gipirmahan na ni Presidente Rodrigo Duterte ang Executive Order o E-O kontra ‘Endo’ o End of Contract.
Sa speech sa presidente sa 116th Labor Day celebration sa Cebu City, gibutyag sa presidente nga wala niya gipirmihan kagabie o kaganiha ang E-O tungod kay gusto niya kining pirmahan atubangan sa mga mamumuo.
Nakalatid matud pa sa balaod nga ilegal ang contracting ug subcontracting sa mga mamumuo, dunay due process kung tanggalon man sa serbisyo.
Bisan gipirmahan na sa presidente ang E-O kontra ‘endo’ dili kini igo alang sa chief executive.
Gikinahanglan matud pa nga amendyahan ang labor code.
Kung dili man amyendahan, giaghat sa presidente ang mga magbabalod nga mohimo sa bag-ong balaod nga makatabang sa panginhanglan karon sa mga mamumuo.
Gimandoan usab sa presidente ang labor department nga mopasa sa iyang buhatan sa mga gapabadlong nga employer.
Nagwarning pa ang president e nga putlan sa ulo ang mga abusadong employer.
Samtang gitinguha usab karon sa administrasyon nga makalatag sa long term solution aron matuldukan ang ‘endo’.
