Nagpagawas og executive Order 2019-14 SI Gov. Bambi Emano kung asa nakalatid ang paghangyo niini sa Provincial Veterinary Office nga mas hingusgan sa pamunoan sa kwarentinas, kapolisan ug kasundalohan ang pag-ban sa baboy, karneng baboy ug by-products niini gikan sa Luzon.
Ang maong kamandoan gihimo aron maprotektahan ang mga hog-raisers dinhi sa lalawigan human mag-positibo sa African Swine Fever ang mga baboy sa kaulohan.
Gibutyag sa gobernador nga mas maayong mangandam nang daan mintras wala pay natalang kaso sa ASF dinhi sa Mindanao particular sa Misamis Oriental.
Mahinumduman nga unang gipagawas sa gobernador ang Executive Order 2019-13 diin nagmando kining magtukod og Task Force ASF Free Mis.Or.
Mando usab ni Gov. Emano mao ang pagpahigayon sa Massive information dissemination campaign pinaagi sa mga personahe sa Provincial Veterinary Office ug Provincial Agriculture Office.
