Malaybalay City, Bukidnon – Padayon nga nanawagan ang 4th Infantry Diamond Division sa mga teroristang New People’s Army kon NPA nga mutahan na sa ilang kaugalingon samtang dili pa ulahi na tanan.
Sa interview sa RMN Malaybalay ngadto kang MGen. Ronald Villanueva ang commander sa 4th ID, gibutyag niini nga karong tuiga ilawom sa pagdumala ni DILG OIC Sec. Eduardo Año adunay planong ipatuman nga expanded Comprehensive Local Integration Program.
Matud ni Villanueva nga sa ilawom niini adunay housing nga ihatag ug binulan nga suporta ngadto sa mga surrenderees.
Sigun sa heneral nga padayon usab kadtong unang CLIP nga gipatuman nga hatagan ug 15,000 ang mga mutahan ug dugang 50,000 alang sa livelihood ug kantidad sa armas nga ilang e-apil sa pagsurender depende sa klase niini.
Dugang niini nga muabot sa halos 100-mil ang madawat sa mga mosurender.
Apan giklaro ni Gen. Villanueva nga dili dayon kini madawat sa hingtungdan tungod kay aduna pay ipahigayon nga monitoring ang nagkadaiyang ahensiya sa gobyerno sama sa TESDA, DILG, DSWD, DOH, DA ug uban pa.
