Imposible matud pa ang senaryo nga expanded martial law.
Sa interview sa RMN Malaybalay ngadto kang Presidential Communications Office (PCO) Secretary Martin Andanar Andanar gibutyag niini nga nagtoo siya nga dili magdeklara ug martial law sa tibook nasud si Pangulong Rodrigo Duterte.
Matud niya nga mayorya sa katawhan sa Metro Manila, suportado ang mga lakang sa pangulo ug dili usab mutugot nga adunay mahitabo nga mga kagulyang ug anarkiya ang mga magprotesta sa Setyembre 21.
Sigun niini nga andam usab ang mga kapulisan ug kasundaluhan kung adunay kagubot nga mahitabo.
Una niini, gikabalak-an sa militant sector ang ilang giingon nga ‘creeping dictatorship’ sa Duterte administration.
Gipahayag usab niini nga posibleng adunay ipagawas nga proklamasyon ang Malakanyang kalabot sa pagsuspendi sa trabaho ug klase sa Miyerkules, Setyembre 21, 2017.
