Ginaabi-abi sang Malacanang ang announcement ni U.S. Pres. Donald Trump nga maga-extend sya sang iya nga pagpabilin sa pungsod ti-on sang East Asia Summit sini nga bulan.
Suno kay Communications Sec. Martin Andanar excited na si Pres. Rodrigo Duterte nga makasugilanon si Trump sa mga importante nga bagay.
Ini ang pinakauna nga pagbisita ni Trump sa Pilipinas halin sang napilian ini bilang presidente sang U.S.
Nagdesisyun si Trump nga palawigon ang iya nga pagbisita sa Pilipinas matapos gin-criticize nga indi niya matambungan ang pila ka importante nga meeting sang ASEAN Summit.
Magaabot si Trump sa pungsod a Nobyembre 12 kag maga-extend tubtob sa Nobyembre 14 para sa Association of Southeast Asian Nations (ASEAN) Summit kag East Asia Summit.
(photo from web)
