General Santos City–Extortion, ug pagpanimalos sa BIFF motibong gitutukan sa pagbusikad sa Isulan, Sultan, Kudarat nga natigayon sulod sa Carlito’s Chicken House nga nahimutang sa National Highway, Barangay Kalawag 2, alas 3:15 ang takna sa hapon.
Kini ang gikumperma ni Joint Task Force Central ug 6th ID Commander Major General Cirilito Sobejana.
Nag-aabot usab si Sobejana ug pakigsimpatiya ngadto sa mga biktimang naangon sa maong insidenti. Gitawag usab niini nga usa ka “barbaric act” nga matud pa hinimuan sa “peace spoilers” nga nagtumong lang sa pagpanghadlok sa mga sibilyan.
Nasayran nga 18 ka mga biktima ang naangol sa pagbusikad sa improvised explosive device o IED sa Carlitos Restaurant , duha duha ka mga samdan ang nagpailawom sa operasyon samtang uban kanila pulos mga minor injuries lang ang naangkon.
Matud pa ni 6th Infantry Division Spokesperson Major Arvin Encinas, narekober sa EOD teams sa blast site ang mga tipaka sa 9v battery, cellphone, pipila ka concrete nails ug uban pa.
Gipaniguro usab ni Sobejana nga himuon sa militar ang tanan aron nga mapatubag ang mga responsable sa insidente.
