Gipasalig ni Doctor Elmer Wagas ang Eyecare and Surgicare Consultant sa JR Borja General Hospital nga iyang sutaon ang tinuod nga nahitabo kung nganung miresulta sa kamatayon ang usa ka tuig nga bata nga gidala sa hospital.
Matud ni Doctor Wagas nga ipasalig usab niya nga iyang ipahibalo dayun sa DXCC ang makuha nga impormasyon.
Mahinumduman nga buot lamang sa pamilya sa usa ka tuig nga bata nga mapahimangnuan ang staff sa City hospital nga maghatag og insaktong pagtagad sa mga pasyente ilabi na niadtong dad-on sa hospital.
Tumong niini nga dili na masubli ang kamatayon sa usa ka tuig nga bata kinsa nadala sa City hospital tungod sa hilanat ug ubo apan wala nahatagi og saktong pag-atiman sa hospital.
By: Kasamang Mishelle Mesias-Enloran
Facebook Comments
