Davao City – Sugod kagahapong adlawa (Abril 6, 2021), adunay gipagawas nga bag-ong DQR SMS Nofication alang sa tanang F2 cases o kadtong adunay minimal exposure sa taong nagpositibo sa Coronavirus Disease 2019 (COVID-19) o dili direct contact kun close contact sa COVID-19 patient.
Gimandoan ang makadawat sa mensahe nga muadto sa Sta. Ana Health Center alang sa libre nga COVID-19 RT-PCR swab test sulod sa ika-5 hangtod ika-14 nga adlaw sugod sa kataposang adlaw nga nakadungan ang nagpositibo ug sundon ang uban pang direktiba.
Samtang nagpaabot sa resulta, estrikto gihapong ipatuman ang minimum health and safety protocols. Ug kung dunay gibati nga sintomas nga ubo, sip-on ug kalintura angay nga muadto dayun sa pinaka-duol nga District Health Center o sa Barangay Health Center.
Sa mga indibidwal nga wala nagbaton og sintomas, gimandoan nga padayon nga mag self-monitor.
Una na usab nga gibutyag ni Davao City Mayor Sara Duterte-Carpio nga kini kabahin sa gipalapdan nga COVID-19 response aron malikayan ang surge sa COVID-19 cases sa dakbayan sa Davao.
RadyoMaN Kirby Manzon
