Davao City – Gianunsyo sa Department of Education (DepEd)-XI ang pipila sa mga guidelines nga ipatuman sa limited face-to-face (F2F) classes diin anaa sa 18 ka mga pampublikong eskwelahan sa Davao Region ang nahilakip niini.
Atol sa One Davao on COVID-19 Virtual Presser, gibutyag ni Jenielito Atillo, Spokesperson sa Department of Education (DepEd)-XI, nga tunga lang sa adlaw himuon ang F2F classes ug kini himuon usab ‘every other week.’
Matud ni Atillo nga limitado lang usab ang estudyante sa F2F classes pilot testing diin sa Kindergarten, 12 lang ka estudyante ug tag 16 ka learners ang gikan sa Grades 1-3 ug kini himuon sulod lamang sa tulo ka oras. Samtang, sa Senior High School anaa lang usab sa upat ka oras himuon ang ilang klase.
“Kining mga participating schools should really ensure nga ang ilahang mga class schedules are arrange equitably para ang atoang mga qualified learners will have the opportunity to attend the face-to-face classes,” sulti ni Atillo.
Gibutyag sa DepEd-XI Spokesperson nga wala pay labot ang Davao City sa maong 18 ka eskwelahan nga nahilakip sa F2F classes apan aduna nay koordinasyon karon ang City Government of Davao ngadto sa DepEd alang niini.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
