Face to face classes wala gihapon gitugot

24

Davao City – Giklaro sa Department of Education (DepEd- XI) nga wala gihapoy face to face classes sa School Year 2021-2022 sa mga pampublikong eskwelahan nga mag-abli karong Setyembre 13, 2021.

Sumala ni Jenielito Atillo DepEd XI spokesperson, blended learning pa gihapon ang gitugot ni Presidente Rodrigo Duterte.


“ Wala pay face to face not unless mag-decision si Presidente Duterte nga bag-ohon ang iyahang decision. Kanang desisyon sa Presidente resulta kana sa mga pagtuon gikan sa mga eksperto like Department of Health, IATF ug mga siyentipiko nato dinhi sa nasud,” segun ni Atillo.

Kung tugtan man ang face to face sa nasud, nakaandam na usab ang 12 ka mga eskwelahan sa Davao Region human nakapasar sa rekisitos sa DepEd XI ug gitin-aw ni Atillo, dili mandatory nga motambong physically ang estudyante sa eskwelahan sa mga gitugutang mag face to face classes.

RadyoMaN Aimee Guinita

Facebook Comments