Fact finding investigation sang CHR 12 kag NGO`s sa nagluntad nga engkwentro sa tunga sang militar kag NPA sa boundary sang Brgy. Ned, kwestyonable.

Ginkwestyonable suno kay South Cotabato Governor Daisy Avance-Fuentes ang ginpatigayon nga fact finding investigation sang Commission on Human Rights ukon Region 12 kag non – government organizations angot sa nagluntad nga engkwentro sa tunga sang New People’s Army kag militar sa Sitio Bonlangon, Barangay Ned, Lake Sebu nga ginkapatay ni Datu Victor Danyan kag mga himata sini.
Suno sa gobernadora ini tungod wala man ginkuha ang bahin sang military para patas kuntani nga imbestigasyon.
Samtang suno kay Governor Fuentes yara na sa mga katapo sang military ang pag-atubang sa aligasyon nga ginmasaker ang grupo ni Datu Victor tungod may-yara man sang drone footages nga nakaptan ang mga ini sa nagluntad nga engkwentro.
Kwestyon pa sang gobernadora nga paano naman i-isplikar ang kamatayon sang duha ka mga miyembro sang militar kag tatlo nga iban pa nga pilason.
Ginpahayag man ni Governor Fuentes nga obligasyon na sang militar nga kon may nagaarmas kag magbato sa gobyerno ini ang sakaon gid nila bisan diin pa nga kabukiran nagapanago.