Nasikop sa gipahigayong operasyon sa mga kapulisan ang usa ka wanted nga factory worker sa pagpanlugos kon Rape kagahapon didto sa Poblacion, Brgy. Tankulan, Manolo Fortich, Bukidnon.
Giila ang nadakpan nga si Marvin Butanilan, 35 anyos, minyo ug residente sa New Brgy. Sankanan, Manolo Fortich, Bukidnon ang kinsa gipasakaan og warrant of arrest sa kasong Rape kon Pagpanlugos nga gi-issue ni Hon. Jeanne Marie A. Abarrientos, Presiding Judge, Regional Trial Court, 10th Judicial Region, Branch 11, Manolo Fortich, Bukidnon pinitsahan Nobyembre 25, 2021 nga walay girekomendang piyansa alang sa temporaryong kagawasan.
Gidala na sa Manolo Fortich Municipal Police Station ang suspetsado alang sa tokmang disposasyon.
Facebook Comments
