Dili na bag-o nga adunay mga biktima sa pekeng kwarta.
Kini ang gipamahayag sa PNP human nga laing biktima na usab daw peke nga kwarta sa Valencia City.
Sa interview sa RMN Malaybalay ngadto kang SPO2 Gil Caday, PNP-Investigator sa Regional Investigation and Detective Management Division sa rehiyon 10, gibutyag niini nga bisan ug aduna bag-ong denaminasyon karon sa kwarta apan kaniadto pa aduna nay mga nabiktima sa peke nga kwarta.
Matud ni Caday nga taliwala niini nagpabiling gawasnon ang mga sindikato nga nagpaluyo ninii tungod kay “passing” ang mga tawo nga naghimo niini.
Sigun niini nga mas maayong magmaigmat ang publiko kalabot niini ug sayron ang mga basic nga mga himoon kung makadawat ug peke nga kwarta.
Tambag pa niini nga kung dili sigurado kung ang usa ka kwarta tinood o peke mas maayo ug idangop ngadto sa pinakaduol nga bangko.
Samtang nagpahimangno usab si Alex Piodos nga taga Merangiran, lungsod sa Quezon sa publiko nga magmaigmat batok sa modus sa mga tawo nga nangbiktima ug mga pekeng kwarta.
Usa siya sa mga nabiktima sa pekeng kwarta sa ikaduha nga higayon maong tambag niini nga angayang susihon pag-ayo ang kwarta nga madawat.
Apil matud pa sa modus sa mga mangingilad mao nga dali dalion ang ilang target.
