Nanggawas karon sa social media ang photos sa usa ka tarpaulin kung diin nagpakita ni nga daw anaay gipanumpaan si kanhi mayor sa Cebu City nga si Mike Rama.
Ang tarpaulin makita nga gibitay kilid sa skywalk nga nahimutang sa Barangay Basak Pardo, Cebu City. Kanang skywalk duol Basak Elementary School.
Sa maong tarpaulin anaay mga marka nga “X” ug “O”. Sa maong tarpaulin makita ang mga hulagway nila ni late Atty. Jonnah John Ungab, late Rolando Espinosa Sr. ug sa maong former mayor Rama.
Ang dagway ni Espinosa gibutangan og marka nga “X” ug sama pud nga marka ang gibutang sa may dughan mga bahin sa hulagway ni Ungab samtang gilinganan pud ang dagway ni Rama nga gitaparan og suwat nga “IKAW SUNOD”.
As of this writing, gipaabot pa ang statement sa maong kanhi mayor sa maong issue.
Kinsa kaha ang mibuhat sa maong paghugaw-hugaw o pagsuwat sa maong tarpaulin? Usa ba kaha ni kapanghadlok o binoang lang?
Photo credits alang sa FB Page sa pamantalaan nga Banatnews Cebu ug sa Minglanilla Flash Report.
