Gin-athag ni Philippine Coast Guard ( PCG) Iloilo-Station Commander Joe Luviz Mercurio, limitado lang ini sa mga locally stranded individials (LSI), OFW’s, kag authorized person outside residence (APOR).
Iya ginpasiguro nga sa pagbalik sang byahe sang mga fastcraft, ipatuman ang istrikto nga quarantine kag health protocols lakip na ang pag-obserbar sang 50% passenger capacity.
Suno kay Mercurio nga ang mga LSI ang kinahanglan mag-secure sang certification kag health clearance sa local government unit kon sa diin sila na-stranded kag magpadulong sa police station nga amo ang naga-issue sang travel authority.
Bangud nagapadayon ang away batok sa COVID-19, ginpahayag ni Mercurio nga gina-coordinate sa tagsa ka LGU ang pag-abot sang mga pasahero nga sakay sa barko.
Sugaton ang mga LSI sang designated vehicles kag pag-abot sa ila tagsa ka banwa ukon probinsya, ipaidalom ang mga ini sa PCR Test kag ipahamtang sa quarantine facility.
Gin-athag ni Mercurio nga wala pa sang petsa kon san-o mabalik sa normal ang operasyon sang mga ports para sa commercial travel.
[image: image.png]
