Davao City – Walay nahitabong pagpanunog sumala pa sa usa ka bata sa Calinan ning syudad sa Davao.
Kini ang giklaro karon sa Davao City Police Office (DCPO) kabahin sa usa ka facebook post diin asa makita ang litrato sa usa ka sunog nga bata nga matud pa gisunog sa amahan human gipapalit og mantika sa tindahan apan nagpondo sa internetan.
Miani og daghang comments ug shares ang post sa account nga adunay pangalang Jake Gayta.
Sumala ni Sr. Insp. Maria Teresita Gaspan, spokesperson sa DCPO nga fake news kini subay sa pagpanubay sa otoridad sa maong impormasyon.
Pahimangno karon sa DCPO ngadto sa katawhan nga og adunay madawat nga impormasyon sama niini, makigkoordinar dayon kanila aron sila mismo makasuta sa maong impormasyon ug makumpirmar og tinuod ba kini o dili.
Kanunay nga gina-awhag ang netizens nga dili dayon mutuo ug ipakalat ang mga fake news aron dili mukatag ang mga mali nga impormasyon.
RadyoMaN Renz Barbarona
