FDA 12 nakakumpiskar na sang bulto-bulto nga Maling pork luncheon meat kag iban pa nga pork processed meat.

Bulto –bulto ukon milyones ka pesos na nga kantidad sang Maling pork luncheon meat kag iban pa nga pork processed meat nga himo sa mga pungsod nga apektado sang African Swine Fever ukon ASF kapareho sang Mongolia, China, Vietnam, Korea, Cambodia, Mynmar kag iban pa ang nakumpiskar sang Food and Drug Administration ukon FDA nga ang manufacturing date ang August 2018 pataas.
Suno kay FDA Regional Supervisor Nicanora D. Rabara ini tungod mismo sa mga bodega sang mga dalagku nga malls kag supermarkets sila nagapatigayon sang inspection kag confiscation.
May-angot sini, tungod may paandam sa gihapon sang ASF iya ginaadvice sa mga bumalakal nga mabinantayon ilabi na kon may-yara sang nasambit nga mga produkto nga halin sa apektado nga mga pungsod nga ginabaligya sa mga supermarkets ang ireport gilayon.
Ang nasambit nga tikang sang ahensya ang tungod sa kamanduan sang FDA central office sa ban sang nasambit nga mga pork luncheon meat nga halin sa mga pungsod nga apektado sang ASF.
Nahibaluan nga wala suno pa sang epekto sa tawo ang ASF apang delikado ini sa mga baboy amo nga ginalikawan nga maglapta ang nasambit nga balatian.
Sa subong suno pa padayon ang ila ginapatigayon nga monitoring kag confiscation.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>