FDA, nagsimula nang tumanggap ng aplikasyon para sa self-administered home test kits

Nagsimula nang tumanggap ang Food and Drug Administration ng aplikasyon para sa certification ng self-test home test kits.

Ayon kay FDA Officer-In-Charge Dr. Oscar Gutierrez, maglalabas din sila ng guidelines sa paggamit ng COVID-19 self-administered home test kits sa Enero 17.

Sa kasalukuyan aniya ay nasa 38 brands ng RT-PCR test kits, 32 Antigen test kits, 8 antibody immunoassay test kits at 11 rapid antibody tests ang aprubado ng FDA.