Gikonsiderang usa ka dakong kalampusan alang sa mga kasundaluhan, kapulisan ilabi na sa mga taga Marawi City ang kamatayon sa duha ka mga lider sa terorista sa nasud nga silang ni ISnilon Hapilon og Omar Maute.
Apan kinsa si Isnilon hapilon og Omar Maute?
Si Isnilon Hapilon ang gipanganak sumala pa sa Federal Bureau of Investigation og ang United States Department of State Rewards for Justice System Program, kaniadtong Marso 18, 1966 sa may Lantawan Basilan, apan sumala pa nga sa iyahang school records ang nabutang Marso 10, 1968 og gipanganak kini sa may Maluso Basilan.
Ang iyahang mga ginikanan mao silang ni Haridja Hapilon, ang iyahang inahan og ang iyahang amahan si Hapilon Totoni, usa ka imam.
Ang edukasyon ni Hapilon ang nagsugod sa elementary kaniadtong tuig 1978 sa edad nga 10 kon 12 ka tuig, sa Maluso Central Elementary School.
Sumala pa nga nakaangkon siya og perfect attendance gikan sa first og fifth grade.
Human sa iyahang elementarya, na enroll usab kini sa Basilan National High School. Sumala pa ni kanhing Lantawan Mayor Tahira Ismael, usa sa mga classmates ni Hapilon nga hina sa klase si Isnilon.
Si Isnilon ang misalmot sa Moro National Liberation Front ( MNLF) kaniadtong tuig 1985 og miadto sa Sulu og Basilan samtang anaa siya sa rebeldeng pondok.
Mikuha matud pa kini sa Arabic og edukasyon sa Madrasah og nahimong tigpamaba ni Commander Barahama Sali sa tuig 1992.
Og tungod wala matud niini nauyunan ang MNLF samtang nagtago-tago sa Sampinit, si Hapilon ang misalmot sa Abu Sayyaf Group nga gipangunahjan ni Abdulrajak Abubakar Janjalani og nahimo siyang usa ka sinaligan.
Hunyo 2002, si Hapilon ang usa upat ka mga ASG nga mga leaders nga aktibo kauban silang ni Khadaffy Janjalani, Hamsiraji Marusi Sali, Aldam Tilao, og JAinal Antel Sali Jr.
Sila ang gitudlo sa US nga anaa sa likod sa pagpangdagit sa may Dos Palmas kaniadtong 2000, kon diin 17 ang gidaget og 3 ka mga Amerikano og giputlan og ulo ang usa niini.
Sila usab ang responsable sa pagpangdaget nilang ni Jeffrey Schilling, og sa pagpatay American missionary nga si Martin Burnham og usa ka nurse nga si Ediborah Yap kaniadtong Agosto 2000.
Kaniadtong Pebrero 24, 2006, apil siya sa FBI Most Wanted Terrorist, og ang Rewards For Justice Program of the US State Department ang gipatungan sa si Hapilon sa mokabat sa 5 million US dollars kon moabot sa 256 milyon ka pesos alang sa pagdakop niini.
Pipila na usab ka mga operasyon ang gihimo sa military batok sa nahisgutan apan kini maka-ikyas og samdan.
Hulyo 23, 2014, usa ka video ang gipagawas ni Hapilon og kauban ang mga naka-maskarang mga lalaki nga nagpakita nga nakigsanib na kini ngadto kang Abu Bakr al- Baghdadi ang leader sa ISIS.
Abril 9, 2016, Si Hapilon og Basilan –based commander Furuji Indama ang gipangunahan ang mokabat sa 150 ka mga tropoa alang sa usa pagpangatake sa tropa sa gobyerno sa may Tipo-tipo Basilan. 18 ka mga sundalo ang patay samtang 50 usab ang samdan.
Enero 2017, ang ISIL ang gikonsidera ang grupo niini isip certified nga miyembro.
Og mas gipangunahan ang daghang ihap sa mga Abu Sayyaf og nakig-alayon sa grupong ISIS.
Og kaniadtong Mayo 2017, atol sa gihimong operasyon sa AFP og PNP aron sa pagdakop kang Hapilon, ang mga militante sa Maute-ISIS ang naglusad og pagpangatake sa Marawi City hangtod sa sulod sa lima ka bulan nga engkwentro kaniadtong Oktubre 16 sa kaadlawon namatay si Isnilon Hapilon og na rescue ang 17 ka mga na-hostage.
