Federalism Interaction, ipahigayon sa Cagayan de Oro City uban ni Former Senate President Nene Pimentel

Ipahigayon karong umaabot Hunyo 27 ning tuiga ang Federalism Interaction uban ni Former Senate President Aquilino “Nene” Pimentel Jr.

Kini himoon mga alas otso sa buntag hangtud ala una sa hapon sa Buffalo Grill and Restaurant nga nahimutang sa Don. Apolinar Velez Street ning syudad.

Matud ni Manuel Jaudian, Convenor sa maong kalihukan nga kini ipahigayon pinaagi sa Pimentel Institute of Local Governance uban ang Cagayan de Oro Press Club Inc. ug Hanns Seidel.

Gihangyo usab nga motambong sa kalihukan ang number one Cagayan de Oro City Councilor nga si RadyoMaN Zaldy Ocon nga Program Director usab karon sa dxCC-RMN Cagayan de Oro.