Nangin tayuyon kag istrikto nga nasunod ang ginapatuman nga minimum public health standards sang mga Comelec Offices South Cotabato sa nagapadayon nga filing sang certificate of candidacy nga magatakop bwas nga adlaw. Ini ang nangin pamahayag ni South Cotabato Provincial Election Supervisor Atty. Jay Gerada.
Samtang suno kay Atty. Gerada ang ginaekspektar na lang nila nga magfile sang COC ang mga independent candidate tungod ang duha ka dalagku nga partido sa probinsya ang tigayon naman nga nagfile sang COC.
May-angot sini, ginaawhag ni Atty. Gerada sa mga luyag pa magpapili sa Mayo 2022 nga eleksyon nga bukas ang mga opisina sang Comelec sa probinsya tubtob bwas nga adlaw, Oktubre 8, ulihi nga filing sang COC tubtob alas 5:00 sang hapon lamang.
