13 ka mga tawo ang naigo sa mibotong firecrackers ug saag nga bala niadtong pasko ug bag-ong tuig base sa final reports sa Research Epidemiology Surveillance and Disaster Response Unit sa Department of Health kon D-O-H Region 10.
Kini nga final reports gipahayag sa D-O-H sukad niadtong Disyembre 21, 2018 hangtud Enero 6, 2019.
Gipahayag ni Dr. David Mendoza, Hepe sa Research Epidemiology Surveillance and Disaster Response Unit sa D-O-H nga ang 13 ka biktima sa firecrackers sa Region 10 sa 2018, mas labaw sa tulo nidtong 2017 nga mikabat lamang sa napulo ka mga biktima.
Matud ni Mendoza nga sa 13 ka mga firecrackers related incidents, naglakip sa duha sa Bukidnon, usa sa Lanao del Norte, usa sa Misamis Occidental, usa sa Misamis Oriental ug pito sa Cagayan de Oro.
Zero firecracker incident sa Camiguin Province ug Iligan City.
Apan matud ni Mendoza nga usa ka biktima sa saag nga bala sa Iligan.
Gibutyag ni Mendoza nga sigon sa ilang research nga lakip sa mga naka-igo sa mga biktima, ang firecrackers nga gitawag og Triangle, Piccolo, Kwitis, ug fireworks.
Apan matud ni Medoza nga sulod sa walo ka tuig, sukad niadtong 2011 ngadto sa 2018, ang tuig 2013, maoy top notchers nga tuig nga labing daghan nga naigo sa firecrackers sa Region 10.
Base sa record sa D-O-H nga niadtong 2011, walo ka tawo ang naigo sa firecrackers sa Region 10, 62 sa 2012, 131 sa 2013, 87 sa 2014, 64 sa 2015, 28 sa 2016, napulo sa 2017 ug 13 sa 2018.
