Sarangani Province–Special non-working holiday karong adlawa sa tibuok Pilipinas tungod kay nagsaulog kita sa Chinese New Year. Happy Chinese New Year sa atong Chinese community nga padayon ga-ayuda sa lokal nga ekonomiya sa Sarangani Province og sa Rehiyon Dose.
Padayon lang usab ang Provincial Government sa Sarangani sa paghatag og serbisyo sa mga katawhan pinaagi sa Sulong Sarangani development program. Gani, karon ng adlaw nga Dominggo, Pebrero 10, gikatakda ang labing ulahi nga pagpahigayon og final screening alang sa mga pasyente nga unang na-screen nga adunay major surgical case subay sa mahitabo nga Grand Surgical and Medical Mission nga libreng ihatag sa UST kon University of Santo Tomas kaabag ang General Santos Doctors’ Hospital karong bulan sa Hunyo sulod mismo sa Sarangani Provincial Hospital.
Segun ni Ms. Asma Akmad, ang program manager sa Serbisyong Sarangan Community Outreach Program ilalum sa buhatan ni Governor Steve Chiongbian Solon, prayoridad nga ma-final screen karong Dominggo, Pebrero 10, kadto matud pa nga mga taga-Maasim, Kiamba og Maitum, ipahigayon kini sulod sa General Santos Doctors Hospital magsugod sa alas-syete sa buntag.
Kadtong mga taga-Malungon, Alabel, Malapatan og Glan nga unang nahiling nga masulod sa major operation apan wala nakaapas sa schedule ang i-akomodar gihapon karong Pebrero 10. Samtang kadtong unang na-prescreening nga mupailalum sa minor surgical operation ang dili na kinahanglan nga muapil karong Dominggo kundili sa adlaw na mismo sa ting-opera bulan sa Hunyo.
