General Santos City—Daghang anggulo ang gitutukan karon sa Alabel PNP sa pagpatay sa magsuong rebel returnees nga silang si Rodel Niepes ug Denver Niepes, residenti sa Barangay Paraiso, Alabel, Sarangani Province.
Nasayran nga angol ang usa pa ka igsuon sa duruha nga si Adonis Niepes kansa nakaangkon usab ug samad ug kasamtangan na karon nga anaa sa usa ka balay tambalanan ug nag paalim nalang sa iyang samad.
Sumala ni Police Chief Inspector Ray Salgado, hepe sa Alabel PNP nga aduna na silay person of Interest kalabutan sa maong krimen apan nagdumili sa pagbutyag ang opisyal sa pangalan sa mga suspek.
Gituohang nga kanhing kaubanan ra sa mga biktima maoy nipatay kanila.
Dugang pa ni Salgado nga ilang paningkamutan nga mahatagan ug hustisya ang kamatatyon sa duruha hilabi na nga mihangyo ang pamilya ngadto kanila nga dakpon ang mga suspetsado.
