General Santos City— Dakpan sa gipahigayong search warrant operation Philippine Drug Enforcement Agency 12 sa pagpanguna ni PDEA 12 Director Gil Castro ang mag-live in nga Pakistani National nga sumala pa financier sa El Patron Drug Group naga-operate sa probinsya sa Sarangani.
Giila ni Kath Abad, tigpamaba sa PDEA 12 ang mga dinakpan nga silang Shahzad Khan, alyas Salman Khan, 35 anyos ug Anjelie Osama, 30 anyos nga susamang residente Vanda St. Prk. Malakas, Brgy. San Isidro ning dakbayan.
Nakuha gikan sa panimalay sa mga suspek ang duha ka sachet sa gituuhang shabu nga gibana-banaang mukabat sa 10gramos.
Dugang pamahayag ni Abad nga konektado sila sa El Patron isip financier kung asa ginahimo matud pa nila nga front ang ilahang negosyo nga RTW aron nga dili mabisto ang ilahang illegal nga binuhatan.
Sa karon matud pa ilahang pang ginapangitaan ug dokumento ang mga nahisgutan aron masayran kung lihitimo ang ilahang negosyo ingon man ang ilahang pagpuyo sa nasud.
Nakatakdang pasakaan ug kasong paglapas sa Sec. 11 sa R.A 9165 ang mga suspek nga kasamtangang nagpabilin sa lock up cell sa PDEA 12.
