Davao City- Misaka ang kaso sa mga sunog karon sa rehiyon itandi sa mga nahitabong sunog sa miaging tuig.
Atol sa AFP PNP Press conference, gibutyag ni Bureau of Fire Protection XI kun BFP XI Senior Fire Officer 2 Ramil Gillado nga sa tuig 2018 gikan bulan Enero ngadto Hulyo, miabot og 618 fire cases alang sa Region XI itandi sa 405 fire cases sa susama nga mga bulan miaging tuig.
Dugang niini, alang sa bulan sa Hulyo adunay natala nga 44 fire cases diin aduna kini damyos nga 9,800,084 pesos diin sagad sa mga rason electrical-related gani aduna usab natala nga tulo ka mga sunog nga giingong LPG fire related cases.
Samtang gikasubo usab sa BFP-XI ang nahitabong sunog sa NHA Buhangin nga gikamatay sa tulo ka mga tawo.
Subay niini, nagpasidaan si Gillado sa publiko nga magmaigmaton kung naga gamit man og LPG sa ilang panimalay gani miingon kini nga kung makasimhot nga adunay leak ang LPG mas maayo nga ablihan ang pultahan ug bintana ug dili una ablihan ang burner aron malikay sa sunog.
RadyoMaN Abi Bibera
