Roxas City, Capiz – Ginapahibalo sa publiko ni Fire Senior Inspector Rowel Limjuco sang Roxas City Fire Station nga nagtaas ang mga balayran sa fire code fees epektibo, Oktubre 17 sini nga tuig. Ini ang base sa ginpaguha nga Republict Act 9514 ukon Revised Fire Code of the Philippines.
Suno diri nga halin sa 10-percent ini ang nagtaas sa 15-percent.
Ang mga magagmay nga tiangge nga sadto anay nagabayad sang tig- 200 pesos ang sa subong kinahanglan nga magsunod sa minimum nga 500 pesos.
Samtang ang fireworks fire code fee ang nagtaas man halin sa 300 pesos padulong sa 1,049 pesos kag ang fire incident clearance halin sa 100 pesos padulong sa 350 pesos.
Sa pihak nga bahin, ginpanugyan man sang BFP sa publiko ilabi na sa mga magapatukod sang balay nga dapat anay una nga ipalantaw sa BFP ang plano sang balay antes magpatindog ang tag-iya.
Mas istrikto subong ang mga requirements sa idalom sang revised IRR sang New Revised Fire Code of the Philippines.
Ang tanan sang mga hotels ang gina-require na nga magpahamtang sa sprinklers sa diin wala sang exemption.
Samtang ang sa pamalay naman ginarequire nga dapat may yara sang portable fire extinquisher kag smoke detector sa mga hulot-tulogan.
photo(c)- RCFS
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
