Gisugdan na kagahapong adlawa sa Bureau of Fire Protection Reg. 10 pinaagi sa motorkada ang ilang Fire Prevention Month, nga gisaulog sa tibuok nasud matag bulan sa Marso.
Gibutyag ni Engr. Noli Dela Rita, ang spokesperson sa B-F-P 10 nga gawas sa motorkada ila usab nga gipahigayon ang Santos nga Misa, hiniusang pagpatingog kon blowing of horns nga nagpahibalo sa publiko nga karong bulana ang pagsaulog sa tibuok bulan nga fire prevention.
Tema karong tuiga nga kasaulogan ang , “Ligtas na Pilipinas ang ating hangad, pag-iingat sa sarili ay ating ipapatupad.”
Dugang pa ni Engr. Dela Rita, nga nagpasabot kini nga angay magbantay ang katawhan sa sunog, tungod kay dili man kini natural nga mugna sa kinaiyahan nga dili mabantayan.
Gibutyag usab niini nga dili lamang panahon sa fire prevention magbantay sa sunog kon dili sa matag karon ug unya sa tibuok panahon.
