Kun may plano magbakal sang palupok ukon fireworks, temprano na lang nga magpamakal. Ini ang panugyan sang manugbaligya sa designated firecrackers zone sa reclamation area sa ciudad sang Bacolod.
Suno sa empleyado sang Cerela Fireworks, mas maayo magbakal sang temprano agud malikawan ang pagdinaguso sa Disyembre 31 bangud sang gina-observe nga social distancing agud malikawan ang paglapta sang coronavirus.
Sarang makabakal sa lugar sang sparklers nga nagabalor sang tag-P50; luces nga tag-P60; triangle, katay; fountains, fireworks kag whistle bombs. May yara sang 44 ka mga kiosks nga nakakuha sang permit sa ciudad para makabaligya sa designated firecracker zone.
[image: image.png]
Facebook Comments
