Tapaz, Capiz – Isa ka fish vendor ang ginhold-up pasado ala una sang hapon sa Sitio Malansa, Brgy Abangay, Tapaz, Capiz. Nakilala ang biktima kay Arnold Labrador 40-anyos ang pang-edaron residente sang Brgy Agpalali, Tapaz, Capiz. Natigayon nga makuha sa iya ang P24, 000 pesos nga benta sini sa pagbaligya sang isda. Suno sa panaysayon sang biktima, sakay ini sa motorsiklo sang ginbalabagan sang mga suspek nga magpakaisa nga sanday Ariel Ulog y Ayungan, 23-anyos; Jeril Ulog y Asiong, 19-anyos kag Jarel Ulog y Asiong, 18-anyos ang pang-edaron. Gintutokan siya sang suspek nga si Ariel Ulog sang pusil kadungan sang pagdeklarar nga hold-up. Matapos nga makuha ang kwarta, madasig nga nagpalagyo ang mga suspek dala pa ang lyabe sang motorsiklo sang biktima. Nagpatigayon pa sang follow-up operation ang mga barangay officials apang napaslawan ang mga ini nga madakpan ang magpakaisa nga suspek.
