BACOLOD CITY – Gin recommend ni Bacolod City Lone District Congressman Greg Gasataya ang pagpatuman sang pila ka proyekto particular ang pagtukod sang mga flood wall kag flood control projects sa ciudad.
Sa ginpatigayon nga assessment, ginpahayag ni Gasataya nga kalakip sa ipatukod posible sa masunod nga tuig amo ang flood wall sa pito ka mga barangay sa Bacolod City.
Ini pagalakipan sang Brgy. 41, 39, 40 kag 28 subong man Barangay Taculing, Pahanocoy kag Brgy. Singcang Airport.
Suno kay Gasataya nga ini bangud nga naga-awas ukon nagalapaw ang tubig baha kon manubo ang flood wall kag bangud nga wala na-dredge ang pila ka mga suba diri sa ciudad.
Sa pihak nga bahin, ginpangako man sang kongresista nga hatagan man niya sang pagtamod ang proposed Evacuation Center bangud may pondo na ini sa DPWH./dyHB BACOLOD
